Eýropada sýtekti qubyr jelisi salynbaq

ASTANA. QazAqparat – Alıkantada ótip jatqan Eýropa-Jerorta teńizi sammıtinde sý asty sýtekti qubyr jelisiniń qurylysyna qatysty másele kóterildi, dep habarlaıdy QazAqparat Euronews-ke silteme jasap.

Forýmda Ispanııa, Frantsııa jáne Portýgalııa basshylary Eýrokomıssııa qoldap otyrǵan H2Med jobasynyń sońǵy suraqtaryn talqylady.
Ispanııa premer-mınıstri Pedro Sanches jospar týraly aıtyp berdi:
«Onjyldyqtyń sońynda iske qosylatyn H2MED Eýrokomıssııa basshysy atap ótkendeı, Eýropanyń sýtekke degen suranysynyń 10%-yn qamtamasyz etedi. Sý qubyrymen jylyna 2 mln tonna sýtek jetkiziledi».
Qazanda Ispanııa, Frantsııa jáne Portýgalııa Pıreneı arqyly ótetin Midcat gaz qubyry jobasyn jańa energetıkalyq dálizge aýystyrý týraly kelisimge keldi. Bul sýtekti Ispanııadan Frantsııaǵa tasymaldaýǵa múmkindik beredi.
Qubyrdyń qurylysy shamamen 2,5 mıllıard eýrony quraıdy.

Foto: RTVE via EVN