Eýropada roýmıng edáýir arzandaıdy
ASTANA. 29 aqpan. QazAqparat - Eýropalyq zań shyǵarýshylar roýmıng shyǵyndaryn qysqartýǵa daýys berdi, bul telefon qońyraýlaryn úshten ekige arzandatýy tıis, dep habarlady Rostbalt.
Bul qajetsiz shyǵyndardy azaıtý úshin EO qabyldaǵan roýmıngti retteýdegi úshinshi qadam.
Uıaly telefondardy paıdalanýshylar sheteldegi roýmıng úshin tóleıdi, óıtkeni olar ózderi bolatyn elderdegi uıaly jelilerge sıgnaldardy berýge kóp kúsh jumsaıdy. Eýroparlament qońyraýlarǵa baǵany qysqartýdy sheshti. Maýsym aıynan bastap roýmıngide bir mınýt sóılesý qazirgi 0,35 eýrodan 0,25 eýroǵa deıin azaıady.
Eýroparlament depýtattary eger EO elderiniń úkimetteri parlament usynysyn qoldasa, 2014 jyly bul somany 0,15 eýroǵa deıin túsirmek.
Al Deutsche Telekom, France Telecom jáne Telefonica telekommýnıkatsııalyq kompanııalary buǵan rıza emes. Olardyń pikirinshe, Eýroparlament belgilegen baǵa óte tómen, ol naryqtaǵy básekelestikti joıýmen birge jańa uıaly baılanys kompanııalarynyń paıda bolýyna jol bermeıdi.
