Eýropada revaktsınalaýdy úsh aıdan keıin jasaý usynyldy
Budan erterek eýropalyq retteýshi aldyn alý preparattaryn aralastyra paıdalanýdy qoldaǵan bolatyn. Sońǵy sheshimdi ulttyq retteýshi organdar qabyldaıdy.
«Qazirgi jaǵdaı boıynsha, aralyq dozany (revaktsına-avt.) alty aıdan keıin saldyrtýǵa keńes berilgen. Alaıda qazirgi kezde qolda bar aqparatqa sáıkes, qoǵamdyq densaýlyq saqtaý jón dep tapsa, aralyq dozany bastapqy vaktsınalaý aıaqtalǵannan keıin úsh aıdan keıin egýge bolady», - dedi EMA Densaýlyqqa qaýip jáne vaktsınalaý strategııasy departamentiniń basshysy Marko Kavalerı.
DDSU mindetti vaktsınalaýdy sońǵy shara dep sanaıdy, degenmen Aýstrııa bıligi 14 jastan joǵary el azamattaryna ekpe saldyrýdy mindettep otyr. Atalǵan sanatqa aıaǵy aýyr áıelder, alty aı ishinde aýyryp shyqqandar jáne ekpe saldyrýǵa ruqsaty joq adamdar kirmeıdi.
Portýgalııa bıligi 21 áýe kompanııasy men 600 jolaýshyny sanıtarlyq talaptardy buzǵany úshin jaýapqa tartty. 1 jeltoqsannan bastap áýejaıǵa qonǵan barlyq týrıster koronavırýs testiniń teris nátıjesin usynýy tıis. Eger azamat testileýden ótpegen bolsa, áýe kompanııasyna aıyppul salynady. Bul ereje 9 qańtarǵa deıin qoldanysta bolady.
