Eýropada ondaǵan reısti basqarǵan ushqyshqa qatysty tergeý bastaldy

ASTANA. KAZINFORM — Eýropada birneshe aı boıy ózin ushaq komandıri retinde tanystyryp, jolaýshylar ushaǵyn basqarǵan alaıaqqa qatysty tergeý júrip jatyr, dep habarlaıdy BILD.

Aero Telegraph basylymynyń habarlaýynsha, Lıtvanyń Avion Express avıakompanııasynda jumys istegen qyzmetker qujattardy qoldan jasap, ekıpaj komandıri laýazymyna ıe bolǵan. Alaıda onyń tek ekinshi ushqysh retinde biliktiligi bar bolyp shyqty.

Osy ýaqyt ishinde ol Eýropada ondaǵan reısti basqarǵan. Ol buǵan deıin Indonezııanyń Garuda avıakompanııasynda ushqysh bolyp jumys istegen.

— Jaqynda biz onyń kásibı tájirıbesine kúmán keltiretin aqparatty bildik. Biz dereý ishki tekserýdi bastadyq, — dep habarlady Avion Express.

Er adam Lufthansa — Eurowings enshiles kompanııasynyń ushaqtaryn da basqarýy múmkin. Eurowings ókili kompanııanyń tekserý júrgizip jatqanyn habarlady. 

Eske salaıyq, Venesýela eldiń áýe keńistigin zańsyz kesip ótken shaǵyn ushaqty toqtatty.