Eýropada mýltımádenı qoǵam úlken daǵdarysqa ushyraýda - akademık Á. Nysanbaev
ALMATY. 19 qarasha. QazAqparat - Mýltımádenı qoǵam qurýda Qazaqstan ózge elderdiń tájirıbesin eskerýi kerek.
Akademık Ábdimálik Nysanbaevtyń aıtýynsha, qazir mýltımádenı qoǵam qurýda ulttyq qurylysy aıaqtalǵan elderdiń ózinde oǵan degen qarsylyq kúsheıip kele jatyr. Óıtkeni onda basqa elden qonys aýdaryp kelgen ózge ult ókilderi jergilikti halyqpen yqpaldastyqqa onsha túspeı jatyr.
«Kóshi-qon ulttyq qaýipsizdikke birtalaı nuqsan keltirýde. Bul úrdisten Qazaqstan da syrt qala almaıdy. Sońǵy jyldary elimizde boı kótere bastaǵan lańkestik oqıǵalardyń kórshi eldermen shekaralas oblystarda oryn alýy kezdeısoqtyq emes», - deıdi QR Prezıdenti janyndaǵy Ulttyq keńestiń múshesi, fılosofııa ǵylymdarynyń doktory Á. Nysanbaev. Ǵalymnyń paıymdaýynsha, Qazaqstandaǵy mýltımádenı qoǵamnyń ulttyq qurylysyn nyǵaıtýda memlekettik tildiń mańyzy óte zor. Sol sebepti Parlament «Memlekettik til» týraly arnaıy zań qabyldaýy kerek. Óıtkeni ózge ulys ókilderi tildik birlik arqyly qazaq ultynyń aınalasyna uıysqanda ǵana ishki turaqtylyq arqyly damýdyń jańa satysyna kóteriledi.
