Eýropada «MERS» bezgegin juqtyrǵan alǵashqy naýqas kóz jumdy
ASTANA. QazAqparat - Germanııada «Taıaý shyǵys respıratorlyq sındromyn» juqtyrǵan 65 jastaǵy er adam kóz jumdy, dep habarlady «VVS» agenttigi.
Soltústik Reın - Vestfalııa federaldyq aımaǵynda turatyn er adam 6 maýsymda aýrýhanaǵa tústi. Naýqas aýrýdyń asqynýy saldarynan qaza tapty. Aqpanda demalysta ol Birikken Arab Ámirligine barǵan, alaıda onyń aýrýdy qalaı juqtyrǵany jaıly habarlanbaıdy, Germanııaǵa barǵannan keıin ony aýrýhanaǵa jatqyzyp, mamyrda naýqas jazyldy degen boljammen úıine jibergen. Saýd Arabııasynda indetti juqtyrǵan alǵash naýqas 2012 jyly maýsymda tirkeldi. Aýrý túıeden juqqan degen qorytyndy shyǵaryldy. Qazirgi ýaqytta Ońtústik Koreıada atalǵan indetten 19 adam qaza tapty.
