Eýropada maımyl sheshegi indetiniń qarqyny tómendedi - DDU

NUR-SULTAN. QazAqparat – Dúnıejúzilik densaýlyq saqtaý uıymy Eýropa aımaǵynda maımyl sheshegi indetiniń qarqyny tómendegenin málimdedi. Bul týraly QazAqparat COVID-19 taralýyna jol bermeý jónindegi vedomstvoaralyq komıssııaǵa silteme jasap habarlaıdy.

«2022 jyldyń mamyr aıynyń basynan bastap DDU Eýropalyq aımaǵynda maımyl shesheginiń 23 myńnan astam jaǵdaıy tirkeldi, onyń 18 myńnan astamy Eýropalyq ekonomıkalyq aımaqqa tıesili. Eýropalyq, ulttyq jáne óńirlik densaýlyq saqtaý mekemeleri men bıliktiń kelisilgen jáne birlesken kúsh-jigeri óte mańyzdy boldy, endi biz sońǵy aptalarda aýrý juqtyrýdyń azaıýyn baıqap otyrmyz», - delingen Uıym habarlamasynda.

Qujatta bul vırýstyń endemııalyq emes elderde adamnan-adamǵa taralýy buryn shekteýli bolǵandyǵy jáne qazir «Eýropada densaýlyqqa transshekaralyq qaýip tóndiretini» aıtylǵan. Eýropalyq komıssııa men DDU aýrýdyń taralýyn boldyrmaý úshin birlesken jumysty jalǵastyratyny da málim etilgen.

Foto:abcnews.go.com