Eýropada qyzylshamen aýyrǵandar sany rekordtyq kórsetkishke jetti

ASTANA. QazAqparat - Dúnıejúzilik densaýlyq saqtaý uıymy (DDSU) Eýropada sońǵy 10 jylda qyzylshamen aýyrǵandar sany rekordtyq kórsetkishke jetkenin málim etti, dep habarlaıdy QazAqparat uıymnyń resmı saıtyna silteme jasap.

«2018 jyly qyzylshadan Eýropa qurlyǵynda 72 adam qaıtys boldy. Onyń ishinde balalar da, eresekter de bar. Eýropa elderiniń 2018 jylǵy esebi boıynsha, óńirdegi 53 eldiń 47-sinde 82596 adam qyzylshamen aýyrǵan», - delingen baıandamada.

Bul 2017 jyldaǵy kórsetkishten úsh ese, 2017 jylǵydan 15 ese artyq.

Ásirese Ýkraınada jaǵdaı órship tur. DDSU baıandamasyna súıensek, Ýkraınada 53218 adam qyzylsha dertine shaldyqqan. Budan tys, Serbııa (5076 adam), Frantsııa (2913) jáne Italııa (2517) elderi de tizim basynda tur. Sondaı-aq Reseıde 2256 naýqas tirkelgen.

Sońǵy jyldary vaktsınadan bas tartý saldarynan Eýropa elderinde qyzylshamen aýyrǵandar sany kúrt arta bastady.