Eýropada qyzylsha derti órship tur: 37 adam kóz jumdy
JENEVA. QazAqparat - Dúnıejúzilik densaýlyq saqtaý uıymynyń statıstıkasyna sáıkes, bıyl Eýropada qyzylsha aýrýyn juqtyrǵan adamdardyń sany on jyl ishinde rekordqa jetken. Atalmysh dertke shaldyqqandardyń basym kópshiligi Serbııa jáne Ýkraına elderiniń azamattary bolyp shyqty, dep habarlaıdy VVS.
Eýropalyq óńirlerde qyzylshany 41 myń adam juqtyryp, saldarynan 37 kisi qaza tapqan.
Dúnıejúzilik densaýlyq saqtaý uıymynyń málimetinshe, jarty jyl ishinde 7 eldiń myńnan astam turǵyny aýrýdy juqtyrǵan. Olardyń qatarynda Reseı (1396 jaǵdaı), Frantsııa (2579 jaǵdaı), Grýzııa (1128 jaǵdaı), Ýkraına (jarty jylda 23070 jaǵdaı), Italııa (2020 jaǵdaı), Serbııa jáne Grekııa (sáıkesinshe 4954 jáne 2476) elderi bar.
«Qyzylsha juqpasy ońaı jolmen beriledi ári jyldam taraıdy. Epıdemııanyń aldyn alý úshin uıym músheleriniń 95% kerek, sondaı-aq, buryn-sońdy vaktsına egilmegen adamdardyń ımmýnıtetin kúsheıtý boıynsha sharalar júrgizý qajet», - dep eskertedi Dúnıezjúzilik densaýlyq saqtaý uıymy.
Dúnıezjúzilik densaýlyq saqtaý uıymynyń maǵlumattaryna sáıkes, 2016 jyly Jer betindegi ár onynshy bala qajetti ekpe jasatpaǵan.
