Eýropada kúshti aıazdyń saldarynan 60 adam kóz jumdy
ASTANA. 1 aqpan. QazAqparat - Sońǵy kúnderi Shyǵys jáne Orta Eýropada oryn alǵan kúshti aıazdyń saldarynan kem degende 60 adam ajal qushty,
dep habarladyEuronews telearnasy.
Tótenshe jaǵdaı Ýkraınada oryn aldy. Onda aıazdyń saldarynan shamamen 30 adam kóz jumdy. Olardyń kóbisi panasyz qalǵan adamdar bolatyn. Demalys kúnderi aýa temperatýrasy 27 gradýsqa tómendegen Polsha memleketinde 10 adam úsip óldi, dep habarlaıdy RBK.
Sondaı-aq Bolgarııada tolassyz jaýǵan qardyń, boran men kúshti aıazdyń saldarynan 5 adam qaza tapty. Rýmynııada sýyqtan 4 adam kóz jumdy. Qar mólsheriniń kóp túsýinen keıbir eldi mekenderde elektr qýaty isten shyqty. Joldardy tazartý úshin birshama tehnıka jumyldyrylyp otyr.
Sonymen qatar osyndaı tótenshe jaǵdaı basqa da Eýropanyń elderinde, ásirese Balqan óńirinde oryn aldy. Bul memleketterde aýa temperatýrasy 20-25 gradýs sýyqtyqty kórsetip otyr. Sınoptıkterdiń málimetine qaraǵanda, aıaz kem degende bir aptaǵa jalǵasady.
