Eýropada qus tumaýy oqıǵalary tirkeldi
ASTANA. QazAqparat - Eýropada qus tumaýynyń taralýy tirkeldi, dep habarlady BELTA BUU-nyń jańalyqtar ortalyǵyna silteme jasaı otyryp.
Dúnıejúzilik densaýlyq saqtaý uıymy N5N8 qus tumaýynyń joǵary patogendi vırýsynyń jańa belgileri tirkelgeni týraly aqparattandyrdy. Vırýs Italııanyń soltústik-shyǵysynda Porto-Vıro kúrketaýyq fermasynda, Germanııadaǵy Tómengi Saksonııadaǵy qus fermasynda, taǵy ekeýi Nıderlandyda tirkeldi.
N5N8 qus tumaýynyń joǵary patogendi vırýsy osyǵan deıin Koreıa jáne Japonııa elderinde tirkelgen.
Ázirge N5N8 tumaýynyń adamdarǵa juqqandyǵy týraly derekter joq ári onyń ústine onyń adamdarǵa juǵý qaýpi tómen. Soǵan qaramastan, elderdiń memlekettik organdary odan saqtanýdyń aldyn ala sharalaryn qolǵa alýda. Sebebi qus tumaýynyń keıbir túrleri adamdarǵa da juǵýy ábden múmkin.
