Eýropada kún birese qatty ysyp, birese jaýyndy bolyp tur

ASTANA. QazAqparat – Eýropada kún raıy tótenshe sıpatta qubylyp tur. Aptap ystyqtan keıin nóser jaýyn jaýyp, daýyl turdy. Endi kún qaıta ysyp, keı jerlerde 40 gradýstan da joǵary kóterilip ketken, dep habarlaıdy QazAqparat euronews-ke silteme jasap.

Soltústik Italııa nóser jańbyr men qatty jelden zardap shekti. Ol jaqta taldar qulap, úıler zaqymdandy. Birneshe adam jaraqattandy. Júzdegen órt sóndirýshi kómek kórsetýge shyqty.

Kún raıynyń tosyn qubylysy Shyǵys Frantsııada da tirkeldi. Aýa temperatýrasy kúrt kóterilip, aptap ystyq birneshe kúnge sozyldy. Munan soń Dıjon, Strasbýrg pen basqa qalalarda jańbyr quıyp jaýdy.

Jaýyn-shashyn keıbir jerlerdegi ystyqty bassa, kontınenttiń basym bóliginde, máselen Rýmynııada aýa temperatýrasy túspeı tur.

Ispanııada termometr baǵany 40 gradýsten joǵary kóterilgendikten, adamdar taza aýa jutý úshin jaǵajaılarǵa túnde baryp júr.

Al, Shveıtsarııa ǵalymdary muzdyqtar óte jyldam erip jatqanyn aıtady jáne bul keıingi kezde jyl saıyn tirkelip otyr. Aıta ketsek, 2022 jyly muzdyqtardyń jalpy kólemi 6%-ǵa azaıǵan.