Eýropada koronavırýsty qaıta juqtyrý jaǵdaılary tirkeldi
BRıÝSSELЬ. QazAqparat – Belgııa men Nıderlandta koronavırýsty qaıta juqtyrǵan patsıentter anyqtaldy, dep habarlaıdy QazAqparat dw.com saıtyna silteme jasap.
Nıderlandta ımmýnıteti tómen egde jastaǵy er adam vırýsty ekinshi ret juqtyrǵany anyqtalǵan. Bul týraly osy eldiń úkimetine keńes beretin vırýsolog Marıon Kopmans NOS radıosynyń efırinde aıtty. Onyń aıtýynsha, vırýs genomynyń zertteýi bul aldyńǵy juqtyrǵan aýrýdyń saldary emes, qaıta juǵý jaǵdaıy ekenin kórsetken.
Belgııadaǵy ekinshi ret koronavırýs juqtyrǵan patsıent alǵash ret COVID-19 indetine úsh aı buryn shaldyqqan. Odan keıin ol aýrýynan aıyǵyp shyqqan bolatyn. Bul týraly vırýsolog Mark van Ranst VTM telearnasyna bergen suhbatynda habarlady. Vırýstyń ekinshi shtammynda 11 mýtatsııa anyqtalǵan.
Eske sala keteıik, 24 tamyzda Gonkong ýnıversıtetiniń ǵalymdary SARS-CoV-2 qaıta juqtyrýdyń ǵylymı rastalǵan alǵashqy jaǵdaıy týraly habarlaǵan bolatyn.
Worldometer halyqaralyq volonterler tobynyń málimetterinde kórsetilgendeı, 25 tamyzdaǵy jaǵdaı boıynsha pandemııa bastalǵaly álemde 23,8 mıllıon indetke shaldyǵý jaǵdaıy anyqtalǵan. 817 640 adam vırýstan kóz jumǵan. 16,3 mıllıonnan astam patsıent saýyǵyp shyqqan.
