Eýropada koronavırýs pandemııasy qaıta órshidi

LION. EURONEWS – QazAqparat – Italııada bir táýlikte 1 myńnan asa koronavırýs juqtyrý oqıǵasy tirkeldi. Bul - karantın sharalary alynǵannan keıingi eń joǵary kórsetkish. Mundaı statıstıka Italııada sońǵy ret mamyrda tirkelgen, dep habarlaıdy QazAqparat Euronews agenttigine silteme jasap.

Sarapshylardyń pikirinshe, oǵan demalys maýsymy sebep. Óıtkeni demalýshylar jaz aılarynda aldyn alý sharalaryna kóńil bólmeıdi: jaǵajaıda kópshiligi maska taǵý tártibin saqtamaıdy, dámhana men meıramhanalardaǵy jaǵdaı da osyndaı. Sondaı-aq Italııa bıligi ınfektsııaǵa shaldyqqandardyń ortasha jasy 60-tan 30-ǵa deıin tómendegenin baıqaǵan.

Ulybrıtanııadaǵy ahýal da máz emes: táýligine 1200 adam vırýs juqtyrǵan. Manchester mańyndaǵy qalalarda erekshe sanıtarııa tártibi engizildi, ol jerde COVID-19-dyń jańa oshaǵy anyqtalǵan. Jergilikti turǵyndarǵa 20 adamnan asatyn is-sharalarǵa qatysýǵa tyıym salynǵan, sonymen qatar qoǵamdyq kólikke múmkindiginshe minbeý usynylady.

Germanııada qoǵamdyq is-sharalar uıymdastyrýǵa ruqsat etilgen, biraq aldyn alý sharalaryn qatań saqtaý mindetteledi.

Degenmen, kúzgi festıvalderdiń ótý-ótpeýi belgisiz bolyp tur, óıtkeni Eýropa elderi sekildi GFR-da da COVID-19 indeti órship barady.