Eýropada qaýipti ınfektsııa tarap jatyr

ASTANA. KAZINFORM — Eýropa elderinde óte qaýipti Trichophyton indotineae ınfektsııasy taralyp jatyr, dep habarlaıdy Report.

Manchester ýnıversıtetiniń juqpaly aýrýlar jónindegi sarapshysy Devıd Dennıngtiń aıtýynsha, teri aýrýynyń bul túri qyzyl, qyshıtyn bórtpelerdi týdyrady. Ol eń aldymen shap, jambas jáne bóksede paıda bolady.

Ulybrıtanııada sońǵy úsh jylda Trichophyton indotineae ınfektsııasynyń sany 500% ósken. Aýrý ártúrli joldar arqyly juǵady. 

Sarapshy Devıd Dennıng teri aýrýynyń taralýy tez júretinin jáne búkil álemde basty máselege aınalatynyn aıtty.

Aıta keteıik, Shvetsııada júrek-qan tamyrlary aýrýlarynan bolatyn ólim eki ese tómendedi.