Eýropada gaz baǵasy taǵy qymbattady

BRıÝSSELЬ. QazAqparat – Londonnyń ICE bırjasynda gaz baǵasy 1000 tekshe metri úshin 2200 dollardan asty, dep habarlaıdy QazAqparat NEWS.am saıtyna silteme jasap.

2 tamyzda bir kún ishinde gaz baǵasy 4 paıyz qymbattaǵan. Onyń quny naýryz aıynyń basynan beri alǵash ret reseılik «Soltústik aǵyn» gaz qubyry arqyly jetkizilimderdiń qysqarýy aıasynda 2200 dollardan asyp, keıin 1000 tekshe metr úshin 2300 dollardan asty.

Ótken aptada Reseıden keletin «Soltústik aǵyn» gaz týrbınasy toqtaǵan kezde gazdyń maksımaldy qýattylyǵy shamamen 20%-ǵa deıin tómendedi.

«Gazprom» EO men Ulybrıtanııa bıliginen sanktsııalyq shekteýler aıasynda «Soltústik aǵyn» qubyrynyń týrbınalaryn jóndeýge jáne tehnıkalyq qyzmet kórsetýge ruqsat berý týraly resmı túsinikteme alý qajet dep sanaıdy. Sonymen qatar ol Kanadanyń óz qozǵaltqyshtaryn jetkizýge jáne jóndeýge ruqsattardy qaıtaryp alatynyna alańdap otyr.

Eske salsaq, buǵan deıin reseılik kompanııa «Gazprom» Polsha men Bolgarııaǵa energoresýrstaryn jetkizýdi toqtatqannan keıin Eýropada gaz baǵasy qymbattaǵan edi.

Foto: news.am