Eýropada gaz baǵasy qymbattady
Reseılik operator Eýroodaqtyń atalǵan elderinen rýblmen tólem almaǵanyn málim etti. Eýropada gazdyń fıýcherstik kelisimsharttary 20% ósti.
Osyǵan sáıkes Eýropalyq komıssııa tóraǵasy Ýrsýla fon der Lıaıen arnaıy málimdeme jasady:
«Biz mundaı stsenarııge daıynbyz jáne Eýroodaqtyń barlyq múshe elderimen tyǵyz baılanystamyz. Biz balama jetkizilimderdi qamtamasyz etý jáne EO-da gazdy saqtaý jumystarymen aınalysyp jatyrmyz».
Eýropalyq komıssııa tóraǵasy Eýropada energııamen jabdyqtaýdy qamtamasyz etý úshin balama kózder qaralyp jatqanyn málim etti.
«Dál qazir gaz boıynsha úılestirý tobynyń otyrysy ótip jatyr. Biz EO-nyń úılesken jaýabyn daıyndaýdamyz. Sondaı-aq, balama aǵyndardy qamtamasyz etý jáne Eýropada energııamen jabdyqtaý qaýipsizdigin qamtamasyz etý boıynsha halyqaralyq áriptestermen jumys isteýdi jalǵastyramyz», - dedi Ý. Lıaıen.
