Eýropada daýyl qurbandarynyń sany 9 adamǵa jetti
BRıÝSSELЬ. QazAqparat – Ispanııa, Portýgalııa jáne Frantsııada bolǵan daýyl saldarynan qaza tapqandar sany jeksenbi kúni 9-ǵa jetti, dep habarlaıdy, «QazAqparat» Agence France-Presse-ke silteme jasap.
«Elza» jáne «Faben» daýyldary aǵashtardy tamyrymen julyp, temirjol jáne áýe qatynasyna kedergi keltirdi, elektr jelilerin zaqymdap, aımaqtaǵy 118 myń úıdi jaryqsyz qaldyrdy.
Qazirgi ýaqytta Portýgalııada eki adam, Ispanııada jeti adam mert boldy.
Ispanııada qaza tapqan adamdardyń ishinde Ońtústik Koreıa azamaty bar, oǵan Madrıdte ǵımarattan julynyp túsken synyqtar qulaǵan. Sonymen qatar eldiń ońtústigindegi jaǵalaýda vındserfıngpen aınalysyp júrgen Nıderlandy azamaty sýǵa batyp ketken.
Ispanııadaǵy apattyń sońǵy qurbany Katalonııalyq balyqshy boldy. Teńiz tolqyny ony jardan aǵyzyp áketken.
Sársenbi kúni bul elderde «Elza» daýyly turyp, senbi kúni ony «Faben» daýyly almastyrdy.
