Eýropada birinshi el koronavırýs epıdemııasynyń aıaqtalǵanyn jarııalady
BRıÝSSELЬ. QazAqparat – Slovenııa úkimeti beısenbi kúni keshke resmı túrde óz aýmaǵynda koronavırýs indetiniń aıaqtalǵanyn jarııalady. Bul - Eýropa elderiniń arasynda osyndaı málimdeme jasaǵan alǵashqy el, dep habarlaıdy QazAqparat Reuters-ke silteme jasap.
Sońǵy eki apta ishinde kún saıyn elde koronavırýstyń jeti jańa oqıǵasy anyqtalǵan. EO-nyń basqa elderinen Slovenııaǵa kelgen adamdar sáýir aıynyń basyndaǵydaı jeti kún karantınde bolýǵa mindetti emes. Italııamen, Aýstrııamen, Vengrııamen jáne Horvatııamen shektesetin 2 mıllıon halqy bar elde 1464 adam koronavırýs juqtyryp, vırýs saldarynan 103 ólim tirkeldi.
«Slovenııa sońǵy eki aıda epıdemııany qysqartty... Búginde Slovenııada Eýropadaǵy eń jaqsy epıdemıologııalyq jaǵdaı tirkelip otyr», - dep málimdedi premer-mınıstr ıAnez ıAnsha.
Epıdemııanyń aıaqtalýyna baılanysty koronavırýstan zardap shekken azamattar men kompanııalarǵa kórsetiletin qarjylaı kómek te mamyrdyń sońynda bitedi.
Úkimet koronavırýs ınfektsııasy belgileri bar shetel azamattarynyń elge kirýge tyıym salynatynyn málim etti.
Azamattar burynǵysha ınfektsııanyń taralýynyń aldyn alý úshin negizgi erejelerdi saqtaýy tıis. Adamdar jabyq qoǵamdyq oryndarǵa maska taǵyp, bir-birinen 1,5 metr qashyqtyqty saqtaýy tıis jáne qoldaryna dezınfektsııa jasaýǵa mindetti.
