Eýropada aýanyń lastanýy EO jáne DDSU normasynan asyp ketti
BRıÝSSELЬ. QazAqparat - Eýropada aýanyń lastanýy Eýropa odaǵy men Dúnıejúzilik densaýlyq saqtaý uıymynyń normasynan asyp ketti. Bul týraly Eýropa qorshaǵan ortany qorǵaý agenttiginiń baıandamasynda aıtyldy, dep habarlaıdy «QazAqparat» HAA-nyń menshikti tilshisi.
«Avtokólikter Eýropanyń aýasyn lastaıtyn negizgi faktor. Ásirese, azot dıoksıdi men qatty qosyndylar densaýlyqqa zııandy», - delingen qujatta.
Aýyl sharýashylyǵy, energııa óndirýshiler, ónerkásip jáne úı sharýashylyǵynan shyǵatyn zattar da atmosferany lastaıdy.
Mamandardyń pikirinshe, aýa sapasynyń nasharlaýy ásirese qalalarda turatyn eýropalyqtarǵa keri áserin tıgizip jatyr. Aýanyń lastanýy ekonomıkaǵa da áser etedi, ómir súrý uzaqtyǵyn qysqartady, medıtsınalyq qyzmet kórsetýge ketetin shyǵyndardy arttyryp, ónimdilikti tómendetedi.
Qujattaǵy derekterge sensek, qatty bólshekter deńgeıiniń artýy 2015 jyly Eýropanyń 41 elinde 422 myń adamnyń mezgilinen buryn kóz jumýyna sebep bolǵan.
