Eýropada árbir onynshy adam jumyssyz júr - Halyqaralyq eńbek uıymy
ASTANA. Qazannyń 12-si. QazAqparat /Arman Asqarov/ - Halyqaralyq eńbek uıymynyń málimetterine sáıkes, Eýropada árbir onynshy adam jumyssyz júr. Bul týraly búgin Qazaqstandaǵy Ýkraına isteri jónindegi senimdi ókil, professor Petr Tokar málim etti.
Onyń sózine qaraǵanda, Halyqaralyq eńbek uıymynyń málimetterine sáıkes, Ýkraınada daǵdarys kezinde bastalǵan jumystan bosatý naýqany áli kúnge deıin jalǵasyp keledi. Qazirdiń ózinde bul elde 2 mln. adam jumyssyz júr. Al bıylǵy birinshi jartyjyldyqta Eýropa odaǵy elderinde ótken jyldyń osy kezeńimen salystyrǵanda, jumyssyzdardyń sany 8,7 paıyzdan 10 paıyzǵa deıin ósti. «Bul degenimiz, Eýropada árbir onynshy adam jumyssyz júr degen sóz. Ásirese, bul jaǵymsyz úrdis Latvııa, Ispanııa, Estonııa, Lıtva, Slovakııa, Irlanııa jáne taǵy basqa birqatar memleketterde baıqalady. Osy elderdegi jumyssyzdyqtyń deńgeıi 13-20 paıyzdy qurap otyr. Sol sebepti búginde Eýropada san alýan mıtıng pen jumyssyzdar sherýileri jıi oryn alyp otyrady», - deıdi P.Tokar.
