Eýropada aptap ystyq: Frantsııa men Ispanııada alǵashqy ólim tirkeldi

ASTANA.KAZINFORM — Jergilikti bılik ókilderiniń málimetinshe, Frantsııada eki adam aptap ystyqtan álsireý saldarynan kóz jumǵan. Sonymen qatar, Ispanııada da alǵashqy ólim jaǵdaılary tirkeldi, dep habarlady Kazinform agenttiginiń menshikti tilshisi.

2 shilde kúni temperatýra sharyqtaý shegine jetedi dep kútiledi. 

Frantsııa bıligi el tarıhyndaǵy eń ystyq maýsymdardyń biri bolǵanyn habarlady. Météo France ulttyq meteorologııalyq qyzmetiniń derekterine sáıkes, maýsym aıynyń ortasha temperatýrasy qalyptydan 3,3°C joǵary bolǵan.

— 2025 jyldyń maýsymy — 1900 jyldan beri tirkelip kele jatqan kórsetkishter boıynsha, 2003 jylǵy maýsymnan keıingi eń ystyq aı bolady, — dedi Frantsııanyń ekologııa mınıstri Anes Pane-Rıýnashe sársenbi kúni tańerteń jýrnalısterge.

2 shilde, sársenbi kúni aptap ystyqtan alǵashqy ólim faktileri tirkeldi. Frantsııada eki adamnyń joǵary temperatýra saldarynan álsirep kóz jumǵanyn ekologııa mınıstri Anes Pane-Rıýnashe BFM jergilikti telearnasyna rastady. Onyń aıtýynsha, órt sóndirýshiler 300-den astam adamǵa medıtsınalyq kómek kórsetken.

Ispanııada da aptap ystyqtan qaıtys bolǵan alǵashqy jaǵdaılar tirkeldi: eldiń ońtústik-shyǵys óńirinde eki jasar bala ata-anasy birneshe saǵat boıy kólikte qaldyryp ketkennen keıin kóz jumǵan. Sonymen qatar, jergilikti órt sóndirýshiler Lerıda provıntsııasynda ystyqtan bolǵan órt saldarynan eki adamnyń máıitin tapqan.

Frantsııadaǵy bıylǵy jyldyń alǵashqy aptap ystyq tolqyny týraly tolyǵyraq aqparatty osy jerden oqı alasyz.