Eýropada aptap ystyq 1300-den astam adamnyń ólimine sebep boldy
ASTANA. KAZINFORM — Dúnıejúzilik densaýlyq saqtaý uıymynyń bas dırektory Tedros Adhanom Gebreıesýs Eýropadaǵy bir aptaǵa sozylǵan óte ystyq kún raıy taǵy 1300 adamnyń ómirin qıǵanyn málimdedi, dep habarlaıdy VVS.
Ol shamamen 150 mln adam óte joǵary temperatýradan zardap shegip jatqanyn, oǵan Eýropadaǵy úıler, keńseler men mektepter «mundaı aýa raıyna arnalmaǵany» sebep ekenin atap ótti.
Eýropada qalyptan tys ystyq kún raıy ekinshi apta boıy jalǵasyp keledi, klımattyq anomalııanyń epıtsentri qazir shyǵysqa qaraı — Ispanııa, Frantsııa jáne Ulybrıtanııadan Germanııa men Chehııaǵa jyljyp otyr.
Eske salsaq, Frantsııada aptap ystyq saldarynan ólim-jitim myń jaǵdaıǵa artty.
Germanııada buryn-sońdy bolmaǵan aptap ystyq tirkeldi.
Elde aptap ystyq saldarynan ormandar órtenip jatyr.
