Eýropada alty aıda 400 myńǵa jýyq adam bosqyn mártebesin suraǵan

ASTANA. KAZINFORM — Eýropalyq bosqyndar máseleleri jónindegi agenttiktiń málimetinshe, 2025 jyldyń alǵashqy jartyjyldyǵynda bosqyn mártebesin suraýshylar sany edáýir qysqarǵan, dep habarlaıdy DW.

Maýsym aıynyń sońyna deıin 399 myń ótinish berilgen. Bul — 2024 jyldyń dál osy kezeńimen salystyrǵanda 114 myńǵa az, ıaǵnı 23 paıyzǵa tómen.

Germanııa birneshe jyldan beri alǵash ret Eýropada eń kóp bosqyn qabyldaǵan el bolýdan qaldy. Endi kóshbasshylar qataryna:

• Frantsııa (78 myń),

• Ispanııa (77 myń),

• Germanııa (70 myń),

• Italııa (64 myń) kirip otyr.

Bul statıstıka Eýroodaq elderimen qatar, Norvegııa men Shveıtsarııany da qamtıdy.

Frantsııany qospaǵanda, EO-nyń barlyq iri elderinde bosqyn mártebesine ótinish berý kórsetkishi azaıǵan. Eń úlken tómendeý:

• Germanııada — 43%,

• Italııada — 25%,

• Ispanııada — 13% baıqalǵan.

Sońǵy onjyldyqta alǵash ret ótinish berýshilerdiń basym bóligi (49 myń adam) Venesýeladan kelgen. Buǵan Sırııadaǵy Asad rejıminiń álsireýi sebep boldy dep túsindiredi agenttik. Venesýelalyqtardyń basym bóligi Ispanııaǵa júgingen.

Alaıda oń sheshimder sany da tarıhı mınımýmǵa deıin tómendegen: alǵashqy ótinishterdiń tek 25 paıyzy ǵana maquldanǵan. ıAǵnı, tórt adamnyń bireýi ǵana bosqyn mártebesin alǵan kórinedi.

Osydan buryn 2026 jyldan bastap Chehııa mıgranttar men bosqyndarǵa qatań talaptar engizetinin jazǵan edik.