Eýropada alkogolden jyl saıyn shamamen 800 myń adam kóz jumady — DSU

ASTANA. KAZINFORM —  Dúnıejúzilik densaýlyq saqtaý uıymynyń baǵalaýynsha, Eýropada alkogol tutyný saldarynan jyl saıyn shamamen 800 myń adam kóz jumady, dep habarlaıdy DW.

DDSU-nyń 2019 jylǵa qatysty naqtylanǵan derekterine sáıkes, Eýropa aımaǵynda jaraqattan kóz jumǵandardyń shamamen 145 myńy ishimdikpen baılanysty.

Kóbine bul mas kúıinde jol apatyna ushyraǵan, ne bolmasa ishimdik iship jaraqat alǵan. 

Sondaı-aq 2019 jyly Eýropada tirkelgen 26,5 myń ólim «adamdar arasyndaǵy zorlyq-zombylyq» saldarynan bolǵan, al bul sanattaǵy jaǵdaılardyń 40 paıyzdan astamy ishimdikke qatysy bolǵan.

Eýropalyq óńir alkogol tutyný deńgeıi boıynsha álemde birinshi orynda tur. Osy máselege jaýap retinde DSU Eýropa elderine alkogoldik ishimdikterge salynatyn salyq pen baǵany kóterýdi, alkogol satý ýaqytyna, kúnderine jáne oryndaryna shekteý qoıýdy, sondaı-aq spırttik ishimdikterdiń jarnamasyna tyıym salýdy nemese shekteýdi usynady. 

Aıta ketelik Reseıde energetıkalyq sýsyn men alkogoldi onlaın satý tájirıbesi toqtaýy múmkin ekenin jazǵan edik.