Eýropada 11 mıllıonnan astam úı bos tur
ASTANA. QazAqparat - Eýropada qazirgi ýaqytta 11 mıllıonnan astam úı bos tur. The Guardian gazeti osyndaı derekti jarııalady, dep habarlady www.m-vremya.ru saıty.
Osy basylymnyń aqparatyna qaraǵanda, bos turǵyn úılerdiń sany jaǵynan Ispanııa (3,4 mln. úı) alda keledi. Italııada 2-2,7 mln., Frantsııada 2,4 mln. jáne Germanııada 1,8 mln. osyndaı úıler bar. Sondaı-aq Portýgalııa men Ulybrıtanııada da (tıisinde 735 myń jáne 700 myń nysan) bos turǵan biraz úıler bar kórinedi.
Empty Homes, málimetteri boıynsha, Eýropada qazirde 4,1 mln. adam úı-kúısiz júr. Bos turǵan úılerdiń esebinen biraz adam úıli bolyp qalar edi.
Kóptegen qaraýsyz qalǵan úıler daǵdarys aldynda salynǵan, sodan beri olarda eshkim turmaǵan. Bul baspanalar bedeldi kýrortty aımaqtarda ornalasqan jáne jeke ınvestorlardyń menshiginde, olar budan ári qaıta satý úshin satyp alǵan bolatyn.
The Guardian budan buryn habarlaǵanyndaı, Londondaǵy Bıshop-avenıýde «mıllıarderler kóshesi» atalǵan jerde ornalasqan elıtalyq úılerdiń úshten biri baǵasy qymbat bolǵandyqtan bos qalyp tur. Olardyń jalpy quny 350 mıllıon fýnt sterlıngke nemese 585 mln. dollarǵa jýyq somaǵa baǵalanady.
