Eýropa turǵyndarynyń 93%-y azyq-túlik pen energııa resýrstarynyń qymbattaýyna alańdaýly
Eýropa Parlamentiniń málimetteri boıynsha, EO quramyna kiretin ár eldegi 10 respondenttiń jeteýi baǵanyń ósip jatqanyna alańdaýly. Eýropa Parlamentiniń «Eýrobarometr» áleýmettaný qyzmeti uıymdastyrǵan saýalnama 2022 jylǵy qazan men qarasha aılarynda ótken. Saýalnamaǵa Eýroodaqtyń 27 elinen 26 myńnan astam turǵyn qatysqan.
Baǵanyń ósýine eń kóp alańdaıtyn elder - Grekııa (100%), Kıpr (99%), Italııa men Portýgalııa (98%). Energııa jáne azyq-túlik baǵasynyń ósýin teris baǵalaý barlyq áleýmettik-demografııalyq sanattarda, sonyń ishinde respondentterdiń jynysyna nemese jasyna, sondaı-aq EO turǵyndarynyń bilim deńgeıine jáne áleýmettik-kásibı jaǵdaıyna qaramastan sezilip jatyr. Azamattardy baǵadan basqa kedeılik pen áleýmettik oqshaýlaný alańdatyp otyr. Bul - respondentterdiń alańdaýshylyǵynyń ekinshi sebebi (82%). Odan keıin klımattyń ózgerýi (81%).
«Adamdar Eýroodaqtan qurlyqqa kelgen daǵdarystardyń keshendi saldaryn jeńildetý boıynsha jumysty jalǵastyrýyn kútip otyr. EO-nyń joǵary qoldaýy Eýroodaq birigý qabiletin kórsetken kezde, ótken jyldardaǵy tájirıbege negizdelgen», - dedi Eýroparlamenttiń baspasóz qyzmeti.
Qazirgi ýaqytta azamattar bıliktiń áreketine kóńili tolmaıdy. Eýropalyqtardyń úshten biri ǵana úkimet nemese EO ómir súrý qunynyń ósýin sheshý úshin qabyldaǵan sharalardy qoldaıdy. Azamattardyń qarjylyq jaǵdaıyn taldaý ekonomıkalyq daǵdarystyń saldary barǵan saıyn kúsheıip kele jatqanyn kórsetip otyr. EO halqynyń jartysyna jýyǵy (46%) COVID-19 pandemııasynyń, álemdegi geosaıası jaǵdaıdyń jáne baǵanyń ósýine baılanysty olardyń ómir súrý deńgeıi tómendegenin aıtýda.
Foto: BONAVENTURE/AFP
