Eýropa turǵyndary tarıfteri joǵary bola tura, kommýnaldyq qyzmetter úshin bizden az tóleıdi - T. Rahymbekov
«Qazaqstan qurylysy men TKSh ulttyq palatasy kóp páterli turǵyn úıdi paıdalanýǵa berý tuǵyrnamasyn qurdy. Ol zamanaýı kóp páterli turǵyn úıge kásibı basqarý, men ony saqtaý jáne jóndeý negizin eskerý arqyly qurastyrylǵan. Bizdiń tuǵyrnama áleýmettik faktor men naryqtyń áserin esepke ala otyryp jasaldy. Ol otandyq kúrdeli saraptamanyń nátıjesi, sonyń ishinde tarıhı jáne halyqaralyq, birinshi kezekte Shyǵys Eýropa elderiniń tájirıbesiniń nátıjesi», - dedi T. Rahymbekov.
Sondaı-aq, ol Shyǵys Eýropa elderi shamamen 20 jyl buryn turǵyn úı kommýnaldyq sharýashylyǵy salasynda reformalardy engize bastaǵanyn jáne búginde ol óz jemisin bergenin aıtty.
«Bir sharshy metr úshin olar, tarıfterdiń joǵary bolýyna qaramastan, bizden az tóleıdi. Bul zamanaýı tehnologııalardyń engizilýiniń jáne úılerdi termo jańǵyrtýdyń arqasynda. Osyndaı nátıjege qol jetkizý úshin biz úılerimizdi jóndeýimiz qajet. Zamanaýı esepteý qurylǵylaryn, qorshaǵan ortanyń temperatýrasyna baılanysty avtomattandyrylǵan jylý pýnktterin ornatqan jón. Osy talaptardy oryndaǵan jaǵdaıda, kommýnaldyq qyzmetke azyraq tólep, qarajatymyzdy únemdeıtinimiz anyq», - dep atap ótti Qazaqstan qurylysy men TKSh ulttyq palatasynyń basshysy.
