Eýropa Parlamentiniń depýtattary Qazaqstan halqyna kóńil aıtyp jatyr
Qaraǵandy oblysynda bolǵan qaıǵyly jaǵdaıǵa baılanysty Qazaqstan halqyna Eýropalyq Parlament depatýttary da kóńil aıtyp jatyr, dep habarlaıdy Kazinform agenttiginiń tilshisi.
«Qazaqstandaǵy shahtada bolǵan oqıǵa qabyrǵamyzdy qaıystyrdy. Mert bolǵandardyń jaqyndaryna kóńil aıtamyn, zardap shekkenderdiń jyldam jazylyp ketýine tilektespin», -dep jazdy eýrodepýtat, Ortalyq Azııa elderi men Mońǵolııa boıynsha baılanys delegatsııasynyń múshesi Ryshard Charnetskıı.
«Kostenko shahtasynan janyńdy jabyrqatar jańalyqtar jetip jatyr. Eýropa Qazaqstanǵa kóńil aıtady», - dep jazdy eýrodepýtat, «Eýropanyń lıberaldar men demokrattar alıansynyń» vıtse-prezıdenti Ilhan Kýchýk.
29 qazan jalpyhalyqtyq Aza tutý kúni bolyp jarııalanýyna baılanysty Qazaqstannyń Belgııadaǵy elshiligi memlekettik týdy túsirdi.
Búgin jáne dúısenbi kúni Brıýssel turǵyndary, sheteldik dıplomattar bizdiń dıasporalardyń ókilderi men azamattar QR dıplomatııalyq mıssııasyna kóńil aıtyp, kóńil aıtý kitabyna qol qoıa alady.
Týra osyndaı múmkindik Qazaqstannyń Lıýksembýrgtegi konýldyǵynda da jasaldy.
