Eýropa ortalyq banki jańa €100 jáne €200 banknottaryn shyǵardy
ASTANA. QazAqparat - Eýropa ortalyq banki (EOB) jańartylǵan €100 ı €200 banknottaryn tanystyrdy, dep habarlaıdy QazAqparat.
Bul qaǵaz aqsha burynǵylaryna qaraǵanda qorǵanysh júıesi edáýir jaqsartylǵan, dızaıny men kólemi ózgeshe. Sondaı-aq uzaq merzimge qoldanylatyn bolady.
Atalmysh aqsha belgileri 2019 jyly aınalymǵa túsedi, dep málim etti EOB saıty.
€100 jáne €200 banknottarynyń beriktigin joǵarylatý úshin €50 nomınaly tárizdi etip jasalǵan ári kólemi de tap sondaı. Bul ózgerister endi aqsha belgileri birdeı bolǵandyqtan bankomattardyń jumysyn da jeńildetpek.
Kýpıýrany jaryqqa tosyp qaraǵanda erekshe belgi - ejelgi grek mıfologııasyndaǵy batyr áıeldiń portreti anyq kórinedi.
Kýpıýranyń túsi saqtalǵan - €100 banknoty jasyldaý, al €200 sarǵylt - qońyrlaý.
