Eýropa Odaǵynyń Qazaqstandaǵy elshisi: Joldaýda sóz bolǵan reformalardy qoldaımyz
NUR-SULTAN. QazAqparat – Eýropalyq Odaqtyń Qazaqstandaǵy elshisi Kestýtıs ıAnkaýskas Qazaqstan Prezıdenti Qasym-Jomart Toqaevtyń halyqqa Joldaýyn keńeıtilgen saıası baǵdarlamaǵa teńedi, dep habarlaıdy QazAqparat tilshisi.
«Bul Joldaý óte ózekti. Búgingi Joldaýdan keńeıtilgen saıası baǵdarlamany estidik. Tek saıası reforma ǵana emes, Prezıdent Toqaevtyń jyl basynda aıtqan áleýmettik-ekonomıkalyq reformalardy tolyqtyrǵanyn kórdik. Biz osy reformalardyń bárin tolyq qoldaımyz. Olar óte tıimdi bolýy múmkin», - deıdi Kestýtıs ıAnkaýskas.
Dıplomat Memleket basshysynyń basqa usynystaryna da toqtaldy.
«Biz demokratııalandyrý úderisteriniń jalǵasatynyn, memlekettik bılikti ortalyqsyzdandyrý jónindegi usynystardy estidik. Sondaı-aq, BAQ-taǵy sóz bostandyǵy men saıası partııalardy tirkeýdi ońaılatý jaǵy sóz boldy. Jańa qaýymdastyq qurý eshqashan kesh emes. Biz óz tájirıbemizde qoǵamdy nólden bastap ózgertpeı-aq qurýǵa bolatynyn kórdik. Eýropalyq odaq ókili retinde biz Prezıdenttiń Eýropany birneshe ret jaqsy úlgi retinde atap ótkenine qýanyshtymyz. Biz muny quptaımyz. Sondaı-aq, Eýropa qaýipsizdik jáne yntymaqtastyq uıymynyń saılaý saıasatyna qatysty standarttary da aıtyldy», - deıdi elshi.
