Eýropa odaǵy Kıpr qaırańyn burǵylaǵany úshin Túrkııaǵa shara qoldandy

BRıÝSSELЬ. QazAqparat – Eýropa odaǵy Kıprdiń aıryqsha ekonomıkalyq aımaǵynda burǵylaý jumystaryn júrgizgeni úshin Túrkııaǵa shara qoldandy. Bul týraly keshe keshkisin EO Syrtqy ister keńesiniń qorytyndylarynda málim etildi, dep habarlaıdy QazAqparattyń menshikti tilshisi.

«Túrkııa zańsyz burǵylaý jumystaryn júrgizgeni úshin EO Keńesi Áýe keńistigi boıynsha jan-jaqty kelisim jónindegi kelissózdi toqtatýǵa sheshim qabyldaıdy. Ári EO men Túrkııa arasyndaǵy dıalog aıasynda joǵary deńgeıli basqa da otyrystar ótkizbeıtin bolady», - delingen habarlamada.

Budan bólek, EO Eýropa komıssııasy usynǵan Túrkııanyń 2020 jylǵa qaraı Eýropa odaǵyna kirýge daıyndalýy úshin beriletin kómek kólemin qysqartý bastamasyn maquldap, Eýropa ınvestıtsııa bankine Túrkııadaǵy nesıe qyzmetin qaıta qaraýdy usyndy.

Aıta keteıik, Túrkııa odaqtyń birneshe márte aıtqan ótinishine qulaq aspaı, Kıprdiń batysyndaǵy qaırańdy burǵylaýyn toqtatar emes.

Avtor: Tımýr Dúısekeev