Eýropa odaǵynyń turǵyndary keıingi 10 jylda qartaıa tústi

ASTANA. KAZINFORM – Eýropa odaǵynyń (EO) medıandyq jasy ósý úsitnde. Eger 2015 jyly ol 4,8 bolsa, 2025 jyldyń 1 qańtaryna qaraı 44,9 boldy.

Eurostat usynǵan sońǵy derekterge sáıkes, bul Eýroodaq turǵyndarynyń jartysy 44,9 jastan asqanyn, al qalǵan jartysy osy jastan tómen ekenin bildiredi.

Medıandyq jasy eń tómen el — Irlandııa (39,6 jas). Al eń joǵary kórsetkish Italııada tirkelgen — 49,1 jas.

Jalpy alǵanda, sońǵy on jylda EO halqynyń medıandyq jasy 2,1 jasqa artqan. Bul ósim odaqqa múshe elderdiń basym bóliginde baıqalady. Tek Germanııa men Maltada ǵana kórsetkish 0,4 jasqa tómendegen.

Halyqtyń eń jyldam qartaıýy Slovakııada jáne Ońtústik Kıprde tirkelip otyr — bul aımaqtarda medıandyq jas 4 jylǵa ósken. Italııada kórsetkish 3,9 jasqa artsa, Grekııa men Polshada — 3,8 jasqa, al Portýgalııada 3,7 jasqa kóbeıgen.

Túrkııa — Eýropadaǵy eń jas el

Sonymen qatar Túrkııa halqynyń medıandyq jasy 34,4-ti quraǵan.

Osylaısha, atalǵan kórsetkish boıynsha Túrkııa Eýropadaǵy eń jas el retinde erekshelenip otyr.

Osyǵan deıin Grekııada demografııalyq daǵdarysqa baılanysty 721 mektep jabylǵany týraly jazdyq.