Eýropa Odaǵynyń Syrtqy ister keńesi Ýkraınadaǵy jaǵdaıdy talqylaıdy

ASTANA. KAZINFORM — 17 naýryzda Brıýsselde EO Syrtqy ister keńesi ótedi, dep habarlaıdy Kazinform tilshisi.

Oǵan Odaqqa múshe memleketterdiń 27 Syrtqy ister mınıstrlikteriniń basshylary qatysady.

Otyrysty Syrtqy ister jáne qaýipsizdik saıasaty jónindegi joǵary ókil Kaıa Kallas júrgizedi.

Ýkraına Syrtqy ister mınıstri Andreı Sıbıhamen beınekonferentsııalyq talqylaý josparlanǵan.

Sonymen qatar, mınıstrler Taıaý Shyǵystaǵy jaǵdaıdy talqylaıdy, odan keıin Sırııa men Iranǵa qatysty pikir almasý bolady. EO men AQSh arasyndaǵy qarym-qatynastardaǵy jaǵdaı bólek qarastyrylady.

Keńes otyrysynyń qorytyndysy boıynsha Eýropalyq Odaq toǵyzynshy Brıýssel konferentsııasyn ótkizedi — «Sırııany qoldaý: sátti ótpeli kezeńdegi qajettilikterdi qanaǵattandyrý».

Buǵan deıin Frantsııa, Germanııa, Ulybrıtanııa, Italııa jáne Polsha qorǵanys mınıstrlikteriniń basshylary Parıjde kezdesip, AQSh pen Reseıdiń jaqyndasýyna jaýap retinde Ýkraınanyń jańa qaýipsizdik qurylymyn talqylaǵan bolatyn.