Eýropa Odaǵy óz-ózin jaqsy kóredi - Slovakııa Premer-mınıstri
ASTANA. KAZINFORM - Eýropa Odaǵy ózge de memleketterdiń jetistigin zerdeleýi kerek. Bul týraly Aqordada Memleket basshysy Qasym-Jomart Toqaevpen keńeıtilgen quramdaǵy kelissóz barysynda Slovakııa premer-mınıstri Robert Fıtso aıtty.
- Keıde Eýropa Odaǵy óz-ózin jaqsy kóretindeı áser bolady. Eýropa Odaǵyndaǵy áriptesterime tek Uıym aıaǵyndaǵy jumyspen shektelmeı, álemge keńinen qarap, ózge de memleketterdiń jetistikterin zerdeleý kerek ekenin únemi aıtyp kelemin. Biz dúnıe júzindegi seriktesterimizben belsendi yqpaldastyq ornatyp, yntymaqtastyqty nyǵaıta berýimiz qajet, – dedi Robert Fıtso.
Sonymen qatar ol 1944-1945 jyldary Slovakııany azat etýge ólsheýsiz úles qosqan Qazaqstanǵa shynaıy rızashylyǵyn bildirdi.
- Keńes áskeri sapynda Qazaqstannyń mıllıonǵa jýyq sarbazy qan maıdanda shaıqasty. Olardyń ishinde 60 myńǵa tarta jaýynger Slovakııany jaýdan qorǵaý úshin janyn pıda etti. Sol surapyl ýaqytta Slovakııaǵa jasaǵan jaqsylyqtaryńyzdy eshqashan umytpaımyz, - dedi Slovakııa Premer-mınıstri.
Aıta keteıik, Qazaqstan men Slovakııa jahandyq teketirester men saýda soǵysy beıbit jolmen sheshilýi kerek dep sanaıdy.