Eýropa men Azııadaǵy eń jas boksshy Dastan Sádýuly reseılikti nokaýtqa túsirdi

ASTANA. QazAqparat - Qazaqstan boksynyń bolashaq jaryq juldyzy, Eýropa men Azııadaǵy eń jas boksshy Dastan Sádýuly Aqtóbedegi boks keshinde jeńiske jetti, dep habarlaıdy QazAqparat Vkontakte áleýmettik jelisindegi «Qazaqstannyń kásibı boks» paraqshasyna silteme jasap.

Sportshy reseılik Dmıtrıı Rahmanovpen jekpe-jekke shyqty. Dastan aıqastyń basynda-aq rıngtiń ortasynda turyp, qarsylasyn aýyr soqqylarmen eseńgiretti. Aıqas qorytyndysy jankúıerler kútkendeı boldy. 16 jastaǵy qazaqstandyq boksshy birinshi raýndta nokaýtpen jeńdi.