Eýropa men Azııa elderiniń JOO reıtıngisinde ál-Farabı atyndaǵy QazUÝ 10 satyǵa kóterildi
LONDON. QazAqparat - Brıtandyq konsaltıngtik Quacquarelli Symonds (QS) kompanııasy ótpeli ekonomıkamen Eýropa elderi men Ortalyq Azııa elderiniń JOO reıtınginiń úshinshi keńeıtilgen nusqasyn jarııalady.
QS nusqasy boıynsha, bıyl ál-Farabı atyndaǵy QazUÝ ótken jylmen salystyrǵanda, óz ustanymyn 10 jolǵa jaqsartyp, reıtıngtiń 11-shi ornyna jaıǵasty.
L.N.Gýmılev atyndaǵy Eýrazııalyq ulttyq ýnıversıteti reıtıngte 33-shi joldy saqtap qalǵanyn atap ótken jón.
Reıtıngtiń keńeıtilgen nusqasyna Q. Sátpaev atyndaǵy Qazaq ulttyq tehnıkalyq ýnıversıteti kirdi. Ol 49 orynǵa ornalasyp, reıtıngtiń top-50-ligine kirdi. Ótken jyly JOO reıtıngtiń 54-shi ornynda bolǵan.
Reseı JOO-lary burynǵysha reıtıngtiń ornyn saqtap qaldy. M.V.Lomonosov atyndaǵy Máskeý memlekettik ýnıversıteti reıtıngte joǵarǵy orynda. Ekinshi orynda, ótken jylǵydaı, Novosibir memlekettik ýnıversıteti tur. Úshinshi oryndy Karlov ýnıversıteti (Chehııa Respýblıkasy) men Tartýskıı ýnıversıtetin 4-shiden 5-shi orynǵa yǵystyrǵan Sankt-Peterbor memlekettik ýnıversıteti ıelendi.
