Eýropa Lıgasynyń pleı-off jerebesiniń tikeleı kórsetilimi qashan bastalady

ASTANA. QazAqparat - Eýrokýboktyń qazaqstandyq qatysýshylary dúısenbi, 7 tamyzda pleı-off raýndta qarsylastaryn bile alady, dep habarlaıdy QazAqparat Sports.kz-ke silteme jasap.

Eýropa lıgasynda Qazaqstannyń atynan «Astana» óner kórsetedi. Úshinshi irikteý kezeńinde Grıgorıı Babaıannyń komandasy bolgarııalyq «Lýdogoretspen» kezdesedi. Eýropa Lıgasynyń pleı-off kezeńiniń tikeleı efıri Astana ýaqyty boıynsha saǵat 17:00-de bastalady jáne myna jerden kórýge bolady.

Konferentsııalar Lıgasynda Qazaqstannan «Aqtóbe» jáne «Tobyl» óner kórsetedi. Úshinshi irikteý kezeńinde «Aqtóbe» rýmynııalyq «Sepsımen» oınaıdy. Konferentsııalar lıgasynyń pleı-off kezeńiniń tikeleı efıri Astana boıynsha saǵat 18:00-de bastalady jáne myna siltemeden kórýge bolady.

Esterińizge sala keteıik, bastapqyda «Astana» Chempıondar lıgasynda óner kórsetti, alaıda ekinshi raýndta zagrebtik «Dınamodan» utylyp qaldy (0:6 — eki matchtyń qosyndysy boıynsha). Sondaı-aq, Qazaqstan eýrokýboktarda birinshi ókilinen aıyryldy: «Ordabasy» konferentsııalar Lıgasynyń ekinshi raýndynda polshalyq «Legııaıadan» utyldy (4:5 - eki matchtyń somasy boıynsha).