Eýropa Lıgasynyń pleı-off synynda «Aqtóbe» Alkmaardyń «AZ» klýbynan jeńilis tapty
ASTANA. Tamyzdyń 20-sy. QazAqparat /Jasulan Amanbaıuly/ - Keshe, tamyzdyń 19-da Eýropa Lıgasynyń alǵashqy pleı-off oıynynda Qazaqstannyń «Aqtóbe» fýtbol komandasy Gollandııanyń «AZ» klýbynan 2:0 esebimen utylyp qaldy, dep habarlaıdy QazAqparat.
Gollandııanyń Alkmaar qalasynda ótken bul kezdesýde «Aqtóbe» qaqpasyna Brett Holmen (20-shy mınýtta) jáne Pontýs Vernblom (27-shi mınýtta) gol saldy.
«Aqtóbe» sapyndaǵy negizgi oıynshylar Tleshev, Bono, Ba, Haırýllın jáne Perıch eki «sary qaǵazdan» alyp qoıǵandyqtan, bul oıynǵa qatysa almady. Rezervtegi jas oıynshylardyń halyqaralyq tájirıbeleri azdyǵyna qaramastan, matchtyń ekinshi kezeńi teń jaǵdaıda ótti.
Oıyn barysynda belsendilikterimen kózge túsken Aslan Darabaev, Emil Kenjesarıev jáne Samat Smaqov kózge túsetin múmkindikteri bar bolatyn. Alaıda «AZ» qaqpasyn kúzetken Dıdýlıtsanyń qaqpasy aqtóbelikterdiń aıaqdopshylarymen sol boıy alynbady.
Kelesi eki komanda arasyndaǵy jaýapty oıyn Aqtóbede tamyzdyń 26-sy kúni ótedi.
