Eýropa Lıgasyndaǵy «Astananyń» qarsylasy 5 tamyzda anyqtalady
ASTANA. QazAqparat - «Astananyń» Eýropa Lıgasyndaǵy qarsylasy 5 tamyzda belgili bolady, dep habarlaıdy Sports.kz.
Eýropa Lıgasynyń úshinshi biliktilik raýndynda «Astana» «Seltıkke» (1:2) jol berdi jáne týrnırdegi oıynyn aıaqtady. Alaıda, astanalyq komanda eýrokýboktyń pleı-off kezeńinde synǵa túse alady.
Týrnırdiń bul kezeńi boıynsha qazaqstandyqtardyń qarsylasy juma kúni, 5 tamyzda astana ýaqytymen 19:00-de bastalatyn jerebe kezinde anyqtalady.
Eýropa Lıgasynyń pleı-off kezeńiniń matchtary 18-25 tamyz aralyǵyna josparlanǵan. Onyń jeńimpazy atanǵan komanda Eýropa Lıgasynyń toptyq kezeńine qatysa alady.
