Eýropa Lıgasy: «Shahter» horvatııalyq «Haıdýk» komandasyn jeńdi
ASTANA. QazAqparat - Qaraǵandylyq «Shahter» fýtbol klýbynyń oıynshylary Eýropa Lıgasynyń úshinshi raýndynda óz alańynda «Haıdýk» komandasyn 4:2 esebimen tize búktirdi.
Birinshi taımda alǵashqy shabýylda-aq qaraǵandylyqtar esep ashty. Vıchıýstiń aýttan berilgen pasynan keıin Mıhret Topchagıch dopty qaqpaǵa dál daryta bildi. Segiz mınýttan soń qarsylastar Sandro Gotaldiń arqasynda esepti teńestire aldy. Alaıda bir mınýt óter-ótpesten Fınonchenko sol baıaǵy Vıchıýstiń aýttan laqtyrǵan dobyn qarsylastardyń qaqpasyna toǵytyp ketti.
Ekinshi taımda qaraǵandylyqtar basymdyqty horvatııalyqtardyń qolyna berip qoıǵanmen, qarsylastar qaqpasy mańynda belgilengen buryshtama soqqysy kezinde Aldın Djıdıch baspen gol salyp, «Shahterdi» 3:1 esebimen alǵa shyǵardy. Osy esep alań ıeleri úshin sátti bolary anyq edi, degenmen taımnyń orta tusynda qaraǵandylyqtarǵa penaltı berildi. «Haıdýk» fýtbolshysy ony qateliksiz oryndap, óz komandasynyń ekinshi golyn saldy.
Osydan keıin «Shahter» klýbynyń bas bapkeri alańǵa shabýylshy Toqtar Janqylyshbaıdy shyǵardy jáne jańylǵan joq. Sońǵy mınýttarda ol matchtyń eń ádemi golynyń avtory atandy. Ortadan pas alǵan Toqtar Janqylyshbaı alys buryshqa teýip, qaqpashyǵa esh múmkindik bermedi.
