Eýropa Lıgasy: «Shahter» «Atlantasty» oısyrata jeńdi
ASTANA. QazAqparat - Qaraǵandylyq «Shahter» fýtbol klýbynyń oıynshylary Eýropa Lıgasynyń ekinshi raýndynda óz alańynda «Atlantasty» tize búktirdi.
Birinshi taımda gol sala almaǵan qos komanda úziliske 0:0 esebimen tarasqan. Ekinshi taımda qaraǵandylyqtar Topchagıchtiń golynyń (46-shy mınýt) arqasynda alǵa shyqty. Al 61-shi mınýtta qaqpashymen jekedara shyqqan Ulan Qonysbaev esepti eseletip, komandanyń mereıin ústem etti. Ekinshi taım barysynda alańǵa shyqqan Murtazaev matchtyń sońǵy mınýtynda qaraǵandylyqtar úshin úshinshi gol saldy. Oıyndaǵy qorytyndy esep - 3:0.
Aıta keteıik, Eýropa Lıgasynyń ekinshi kezeńindegi bul match komandalar arasyndaǵy qarymta kezdesý. Alǵashqy match 0:0 esebimen aıaqtalǵan bolatyn.
