Eýropa lıgasy: «Rýsenborg» - «Ordabasy» 2:2
ALMATY. 20 shilde. QazAqparat - Keshe Shymkenttiń «Ordabasy» fýtbol komandasy Norvegııanyń Tronheım qalasynda «Rýsenborg Ballklýb» komandasymen Eýropa lıgasynyń 2-dárejelik raýndyndaǵy alǵashqy kezdesýin ótkizdi.
Asa tartysty ótken bul oıynda shymkenttikter óz eliniń 22 dúrkin chempıony atanǵan tronheımdiktermen 2:2 esebimen teń tústi. Onda Almat Bekbaev qorǵaǵan «Ordabasy» qaqpasynyń kiltin 33-mınýtta alan ıeleri birinshi bop ashyp, Borjek Dochkal óz komandasyn alǵa shyǵarǵan edi. Bul oıynshy 45-mınýtta penaltıden esepti odan ary ulǵaıtty.
Kezdesýdiń ekinshi jartysynda shymkenttikter esepti teńestirdi. Aldymen 75-mınýtta Roman Paholıýk, al 90 mınýtta Gýeı Mansýr kózge túsip, tablodaǵy kórsetkishti ózgertti. Endi bul raýndtyń jeńimpazy 26 shilde kúni Almatynyń Ortalyq stadıonynda ótetin qarymta oıynda belgili bolady.
