Eýropa lıgasy: «Portý» óz alańynda «Baıerden» jeńilip qaldy
NUR-SULTAN. QazAqparat - Búgin UEFA Eýropa lıgasy 1/16 fınaldyq satysynyń qarymta oıyndary ótkizildi. Qazirge deıin segiz kezdesý aıaqtaldy, dep habarlaıdy QazAqparat tilshisi.
Portýgalııanyń «Portý» komandasy óz alańynda Germanııanyń «Baıer» komandasynan jeńildi. Bul kezdesýde «Baıer» sapynan Lýkas Alarıo 10, Kerem Demırbaı 50, Kaı Haverts 57-mınýtta gol soqsa, oǵan alań ıelerinen 65-mınýtta Mýssa Marega jalǵyz golmen jaýap qaıyrdy. Oıynda nemis fýtbolshylary 3:1 esebimen basym tústi. Alǵashqy kezdesýde «Baıer» 2:1 esebimen jeńdi. Jarystyń 1/8 fınaldyq satysyna «Baıer» shyqty.
Germanııanyń taǵy bir komandasy - «Volfsbýrg» ta bul kezdesýde ózderiniń myqtylyǵyn dáleldedi. Olardyń qatarynan Iosıp Brekalo 41, ıAnıık Gerardt 65, Joao Vıktor 69-mınýtta mergendik tanytty. Búgin «Volfsbýrg» 3:0 esebimen jeńiske jetti. Alǵashqy kezdesýde «Volfsbýrg» basym túsken bolatyn. Nátıjesinde jarystyń kelesi satysyna nemis komandasy joldama aldy.
Qazirge deıin jarystyń kelesi satysyna Anglııanyń «Výlverhempton», Italııanyń «Roma», Shveıtsarııanyń «Bazel», Avstrııanyń LASK, Shotlandııanyń «Galzgo Reındjers» komandalary joldama aldy.
Sondaı-aq, búgin «Seltık» (Shotlandııa) - «Kopengagen» (Danııa), «Arsenal» (Anglııa) - «Olımpıakos» (Grekııa), «Inter» (Italııa) - «Lýdogorets» (Bolgarııa), «Aıaks» (Nıderlandy) - «Hetafe» (Ispanııa), «Sevılıa» (Ispanııa) - ChFR «Klýj» (Rýmynııa), «Manchester ıÝnaıted» (Anglııa) - «Brıýgge» (Belgııa), «Benfıka» (Portýgalııa) - «Shahter» (Ýkraına) komandalary kezdesedi.
