Eýropa lıgasy: «Ordabasy» úshin «Mlada-Boleslav» ońaı qarsylas pa
NUR-SULTAN. QazAqparat - Búgin UEFA Eýropa lıgasy ekinshi irikteý kezeńinde Shymkenttiń «Ordabasy» klýby Chehııanyń «Mlada-Boleslav» komandasymen kezdesedi, dep habarlaıdy QazAqparat tilshisi.
«Ordabasy» atalmysh týrnırdiń birinshi irikteý kezeńinde Grýzııanyń «Torpedo» komandasyn orta jolda qaldyrdy.
«Mlada-Boleslav» komandasy 1902 jyly qurylǵan. Ótken ǵasyrdyń toqsanynshy jyldaryna deıin atalmysh klýb joǵary jetistigimen kózge túse qoıǵan joq. Aldymen Chehoslavakııanyń, keıinnen Chehııanyń tómengi lıgalarynda synǵa tústi. Al 2004 jyly klýbtyń jańa ómiri bastaldy deýge negiz bar. Sol jyly «Mlada-Boleslav» Chehııanyń joǵary lıgasyndaǵy úzdikter qataryna qosyldy. Al 2005/2006 jylǵy kezeńde olar alǵashqy jetistigine qol sozdy. Chehııanyń joǵary lıgasynda ekinshi oryn aldy. Sodan beri eki márte qola júldeger atansa, eki márte kýbokty tóbesine kóterdi.
«Mlada-Boleslav» 2006/2007 jáne 2007/2008 jylǵy kezeńderde ÝEFA kýbogy (qazirgi Eýropa lıgasy) oıyndarynda synǵa tústi. Al sońǵy ret bul týrnırde 2017-2018 jylǵy kezeńde baq synady. Aldymen Irlandııanyń «Shemrok Rovers» komandasyn (2:0, 3:2) aınalyp ótse, odan keıin Albanııanyń «Skenderbeý» klýbyna (2:1, 1:2, penaltıden 2:4) jol berdi.
Chehııanyń sońǵy birinshiliginde «Mlada-Boleslav» jetinshi oryn aldy. Nátıjesinde bas júldeni sarapqa salatyn alǵashqy altylyqqa taban tireı alǵan joq. Degenmen 7-10 oryndar úshin saıysta jeńimpaz atandy. Ol Eýropa lıgasy oıyndaryna qatysýǵa múmkindik berdi.
Komanda quramynda byltyrǵy quramnan kóptegen ózgeris bar. Birqatar fýtbolshylar ózge klýbtarǵa aýysyp ketti. Olardyń ornyn jastar basty. Arasynda ózge klýbtarǵa jalǵa berilgen óz túlekteri de bar. Atap aıtqanda, olardyń qatarynda ıAkýb ıÝgas («Slavııa», Praga), Tomash Gaek («Vıktorııa Plzen») jáne Domınık Gashek («Gradets Kralove») bar. Sondaı-aq, ózge klýbtarǵa jalǵa berilgen Petr Maresh («Teplıtse»), Domınık Mashek («Zlın»), Danıel Novak («Varnsdorf») komanda qataryna qaıta qosyldy.
2018 jyldyń aqpan aıynan bastap komandaǵa 48 jastaǵy Iozef Veber bas bapker qyzmetine keldi. Degenmen ázirge onyń qol jetkizgen tabysy aýyz toltyryp aıtarlyqtaı emes.
«Mlada-Boleslav» komandasy Chehııanyń úzdik klýbtarynyń qatarynda sanalmaıdy. Degenmen olardyń eshbir qarsylasyna ońaılyqpen berile qoımaıtyny taǵy bar. Sondyqtan aldaǵy kezdesý «Ordabasy» komandasy úshin ońaıǵa soǵa qoımaıtyny anyq.
«Mlada-Boleslav» ózimen attas qalanyń namysyn qorǵaıdy. Atalmysh qala el astanasy - Praga qalasynan 50 shaqyrymdaı jerde ornalasqan. Onda 43 myńnan astam adam turady. Atalmysh klýb qalalyq stadıonda óz qarsylastaryn qabyldaıdy. Oǵan 5 myńnan astam jankúıer sııady.
«Mlada-Boleslav» jáne «Ordabasy» komandalary arasyndaǵy kezdesý Nur-Sultan ýaqytymen 23.00-de bastalady.
Esterińizge sala ketelik, 24 shildede «Astana» UEFA Eýropa lıgasy ekinshi irikteý kezeńinde Andorranyń «Santa-Koloma» komandasymen teń tústi.
