Eýropa lıgasy: «Ordabasy» cheh komandasymen teń túsip jatyr
NUR-SULTAN. QazAqparat – Osy ýaqytta Chehııada Shymkenttiń «Ordabasy» komandasy fýtboldan UEFA Eýropa lıgasynyń ekinshi irikteý satysynda jergilikti «Mlada-Boleslav» komandasymen kezdesip jatyr, dep habarlaıdy QazAqparat tilshisi.
Esterińizge sala ketelik, «Ordabasy» atalmysh týrnırdiń birinshi irikteý kezeńinde Grýzııanyń «Torpedo» komandasyn orta jolda qaldyrǵan bolatyn. Al «Mlada-Boleslav» birden ekinshi irikteý satysyna qatysýǵa múmkindik alǵan edi.
Atalmysh kezdesýde «Ordabasynyń» bas bapkeri Kahaber Tshadadze alǵashqy mınýttan Dmıtrıı Nepogodov, Tımýr Dosmaǵambetov, Pablo Fontanello, Sergeı Malyı, Temirlan Erlanov, Marat Bystrov, Abdýlaı Dıakate, Maı Mahlangý, Mırzad Mehanovıch, Joao Paýlo jáne Zıgı Badıbanga sekildi jigitterge senim artty.
Al «Mlada-Boleslav» quramynda birinshi kezeńde ıAn Sheda, Marko Týlıo, Danıel Pýdıl, Ladıslav Tokach, Antonın Krjapka, Marek Mateıovskı, Mıhal Gýbınek, ıAkýb Fýlnek, Tomash Ladra, Mýrıs Meshanovıch jáne Nıkolaı Komlıchenko jasyl alań tórinen kórindi.
Alań ıeleri oıyn bastalǵannan tizgindi óz qolyna alýǵa tyrysty. Qos qanattan tolassyz shabýyldar uıymdastyrdy. Nátıjesinde, bizdiń qaqpa mańynda oń jáne sol qanattan birneshe buryshtama doby berildi. Degenmen, bul múmkindikterdi cheh fýtbolshylary óz degenine paıdalana alǵan joq.
«Ordabasy» komandasy qarsy shabýyldarǵa shyǵýdy umytqan joq. Osyndaı sátterdiń birinde 21 mınýtta alań ıeleri qaqpasy mańynda 25 metrdeı qashyqtyqtan aıyp doby belgilendi. Ony «Ordabasy» oıynshysy Mırzad Mehanovıch óte sheber oryndady. Dop qaqpa torynda týlap jatty. Birinshi kezeńniń sońyna taman cheh komandasy sapynan Nıkolaı Komlıchenko tarazy basyn teńestirip ketti.
Esterińizge sala ketelik, Úshinshi irikteý kezeńine shyqqan jaǵdaıda «Ordabasy» Armenııanyń «Alashkert» jáne Rýmynııanyń «Stıaýa» jubynyń qaı jeńgenimen kezdesedi.
Dál qazir UEFA Eýropa lıgasy ekinshi irikteý satysynda Almatynyń «Qaıraty» Izraılde jergilikti «Hapoel» (Bezr-Sheva) komandasymen kezdesip jatyr. Ázirge alań ıeleri 1:0 esebimen basym túsýde.
