Eýropa Lıgasy matchynda kıevtik «Dınamo» men «Aqtóbe» arasyndaǵy bir dopqa qarsy bes dop
ASTANA. 30 tamyz. QazAqparat – Kıevte «Olımpııskıı» ulttyq sport kesheninde jergilikti «Dınamo» komandasy men qazaqstandyq «Aqtóbe» arasynda Eýropa Lıgasynyń pleı-off raýndysynyń match aıaqtaldy.
Oıynnyń túpkilikti esebi 5:1 esebimen alań ıeleriniń paıdasyna sheshildi, qazaqstandyqtar bolsa, penaltıde bir ǵana dop soqty, ony Aleksandr Geınrıh júzege asyrdy.
Dınamolyqtardan Djermeın Lens, Roman Bezýs, Mbokanı, Braýn Ideıe (penaltı), Oleg Gýsev kózge tústi.
Aqtóbe qalasynyń Ortalyq stadıonynda ótken alǵashqy oıynda da kıevtikter 3:2 esebimen jeńiske jetken bolatyn.
Degenmen «Aqtóbeniń» Eýropa Lıgasynda qalýyna múmkindik bar. ÝEFA-nyń tótenshe jaǵdaılar jónindegi arnaıy komıssııasy Eýropa Lıgasynyń toptyq kezeńinde túriktiń «Fenerbahche» komandasyn aýystyrý jóninde sheshim shyǵardy, dep habarlady Vesti.kz.
ÝEFA-nyń resmı saıtynda habarlanǵanyndaı, ystambuldyq klýbty pleı-off raýndysynda utylǵan komandalardyń biri aýystyrady, bul sheshýshi matchtyń qorytyndysy búgin belgili bolmaq. Toptyq kezeńniń sońǵy qatysýshysy utylǵandar arasynda jerebe tartý arqyly anyqtalady.
