Eýropa lıgasy: «Manchester ıÝnaıted» avstrııalyq klýbty oısyrata jeńdi
NUR-SULTAN. QazAqparat - Búgin UEFA Eýropa lıgasy 1/8 fınalynyń alǵashqy oıynynda Anglııanyń «Manchester ıÝnaıted» komandasy syrt alańda Avstrııanyń LASK klýbyn oısyrata jeńdi, dep habarlaıdy QazAqparat tilshisi.
Atalmysh kezdesýde aǵylshyndyq klýb qarsylastar qaqpasyna jaýapsyz bes dop soqty. Ony Odıon Igalo - 28, Danıel Djeıms - 58, Hýan Mata - 82, Meıson Grınvýd - 91, Andreas Pereıra 93-mınýttarda soqty. Osylaısha «Manchester ıÝnaıted» qarsylasyn 5:0 esebimen tize búktirdi.
Esterińizge sala ketelik, «Manchester ıÝnaıted» L tobynda qazaqstandyq «Astana», Gollandııanyń «AZ Alkmaar» jáne Serbııanyń «Partızan» komandalarymen synǵa tústi.
Dál qazirge deıin taǵy bir oıyn aıaqtaldy. Germanııanyń «Aıntraht» klýby óz alańynda Shveıtsarııanyń «Bazel» komandasynan 0:3 esebimen jeńilip qaldy.
Al «Sevılıa» (Ispanııa) - «Roma» (Italııa), «Inter» (Italııa) - «Hetafe» (Ispanııa) komandalary arasyndaǵy kezdesý koronavırýs dertine baılanysty keıinge shegerildi. Osyǵan baılanysty «Volfsbýrg» (Germanııa) - «Shahter» (Ýkraına), «Olımpıakos» (Grekııa) - «Výlverhempton» (Anglııa) komandalary arasyndaǵy oıyn jankúıersiz ótip jatyr. Sondaı-aq, búgin «Glazgo Reındjers» (Shotlandııa) - «Baıer» (Germanııa), «Istanbýl Bashakshekır» (Túrkııa) - «Kopengagen» (Danııa) komandalary ózara kezdesedi.
