Eýropa lıgasy: Kıevtiń «Dınamosy» óz tobynda birinshi orynǵa kóterildi

Atalmysh toptaǵy tórtinshi týrda «Astana» búgin Chehııanyń «ıAblonets» komandasyn 2:1 esebimen tize búktirdi. Osynyń nátıjesinde elordalyq klýb óz tobynda birinshi orynda keledi. Sondyqtan «Dınamo» men «Renn» arasyndaǵy kezdesý tartysty órbıtini belgili edi. Onyń sebebi de bar. «Dınamo» jeńilgen jaǵdaıda jaǵdaıyn qıyndatyp alady. Aldyna «Rendi» salyp, ózderi úshinshi orynǵa syrǵıdy. Ol jarysty jalǵastyrý múmkindigine keri áserin tıgizedi. «Renn» úshin de qıyn jaǵdaı qalyptasyp tur. Frantsýz klýby alǵashqy úsh týrda bar bolǵany úsh upaı ǵana jınady. «Dınamomen» kezdesýde úsh upaı joǵaltsa, jarystyń pleı-off kezeńine shyǵý alystaı túsedi. Odan keıin qalǵan eki oıynda da jeńiske jetýi qajet. Olar endi «ıAblonets» jáne «Astanamen» oınaıtynyn eskersek, eki klýb ta oǵan ońaılyqpen upaı bere qoımaıdy.

Bul kezdesýde «Dınamo» birden shabýylǵa lap qoıdy. Óz degenine 13-mınýtta jetti. Ony kıevtik klýbtyń slovenııalyq jartylaı qorǵaýshysy Benıamın Verbıch soqty. Budan keıin «Renn» fýtbolshylary es jıǵandaı boldy. Dese de birinshi kezeńde 1:0 esebi ózgere qoıǵan joq.

Ekinshi kezeńde de qos komanda shabýylǵa shyǵýǵa kúsh saldy. «Renn» kóbirek alań ıeleri qaqpasy mańynda boı kórsetti. Degenmen alań ıeleri taǵy bir gol soǵyp ketti. «Renn» qaqpasy mańynda óreskel qatelikti 68-mınýtta Vıtalıı Mıkolenko paıdalanyp ketti. Esep 2:0. Al 72-mınýtta Nıkolaı Shaparenko esepti ulǵaıta tústi. Esep 3:0. «Renn» oıynshysy 89-mınýtta Teoson Sebatshe esep aıyrmasyn qysqartty. Osylaısha «Dınamo» atalmysh qarsylasynan 3:1 esebimen basym tústi. Bul jeńisinen keıin «Dınamo» óz tobynda birinshi orynǵa shyqty. «Astana» ekinshi orynǵa jaıǵasty.

Endi komandalar 29 qarashada besinshi týr oıyndaryn ótkizedi. Bul kúni syrt alańda «Dınamo» «Astanamen» kezdesse, «Renn» «ıAblonetspen» sheberlik baıqasady.