Eýropa lıgasy: Qazaqstandyq klýbtardyń oıyny tikeleı efırde kórsetiledi

NUR-SULTAN. QazAqparat - Fýtboldan UEFA Eýropa lıgasynyń ekinshi irikteý satysynda baq synaıtyn qazaqstandyq klýbtardyń barlyq oıyny tikeleı efırde kórsetiledi, dep habarlaıdy QazAqparat tilshisi.

Esterińizge sala ketelik, týrnırdiń atalǵan satysynda elimizdiń atynan «Astana», «Qaırat» jáne «Qaısar» klýbtary jasyl alańǵa shyǵady. Kezdesýler 17 qyrkúıekte ótkiziledi. Barlyq oıyn «Qazsport» telearnasynan tikeleı efırde kórsetiledi.

Alǵashqy oıynda Qyzylordanyń «Qaısary» Kıprdiń APOEL komandasymen sheberlik baıqasady. Kezdesý Shymkent qalasynda bolady. Oıyn elorda ýaqytymen 17.50-de bastalady.

Elordalyq «Astana» Chernogorııanyń «Býdýchnost» klýbymen kezdesedi. Almatyda ótetin kezdesý 19.55-te bastalady.

Dál osy kúni saǵat 22.50-de Almatynyń «Qaıraty» Izraılde «Makkabı» (Haıfa) klýbymen jasyl alańǵa shyǵady.

Esterińizge sala ketelik, bıyl Eýropa lıgasynda Shymkenttiń «Ordabasy» klýby da synǵa túsken edi. Komanda týrnırdiń alǵashqy satysynda óz alańynda Rýmynııanyń «Botoshanı» komandasyna 1:2 esebimen jol berdi.